आयोजक कुवेतमाथि आठ विकेटको सानदार जीत दर्ता गराउँदै नेपाल एसीसी ट्रफी इलाइट कप क्रिकेट प्रतियोगिताको सेमिफाइनलमा प्रवेश गरेको छ। लगातार चौथो जितसँगै नेपाल समूह विजेता बन्न सफल भएको हो। टस जिति नेपालले पहिले कुवेतलाई ब्याटिङको लागि मैदानमा उतार्‍यो। कप्तान पारस खड्काको यो निर्णयलाई सञ्जम रेग्मी र बिनोद दासले सहि सावित गर्दा कुवेत बयालिसौं ओभरमा एकसय बीस रनमा अल आउट हुन पुग्यो।

 

 केवतका सादले छब्बिस र सेफुलले एक्काईस रन जोड्दा अन्य ब्याट्सम्यान नेपाली बलर सामु क्रिजमा टिक्न सकेनन्। विनोद र महबुबले कुवेतको पहिलो र मिडल अर्डरलाई ध्वस्त बनाउँदा सञ्जमले पछिल्लो चार विकेट झारेका थिए। अघिल्लो दुई खेलमा मैदान बाहिर रहेका बिनोद दासले उत्कृष्ट कमब्याक गर्दै चौविस रन खर्चदै तीन विकेट झार्दा महबुबले दुई र पारसले एक विकेट लिएका थिए। जवाफमा एकसय एक्काईस रनको ल73य नेपालले दुई विकेटको नोक्सानीमा पुरा गर्‍यो। ओपनर महेश र अनिलले उत्कृष्ट सुरुवात गर्दा महेश अर्धशतक पुरा गर्न सफल रहे।